يا قطعة السكر وذرات الاحساس ............... في نكهتك حسيت باهلي وناسي
اخفيت كاسي عنك .. نادى لك الكاس ............ حتى قدرت تصبني وسط كاسي
طعمك جرى بالدم يا عطر الأنفاس ............. الغيت خوفي ..احتياطي واحتراسي
وشكلت من عمري حبايب وجلاس ............. حتى غديت الهامش والاساسي
يا قطعة السكر... ويا قطعة الماس ............ شفني امل واحلام ..شفني ماسي
يا قطعة السكر انا مثل هالناس .............. احيان الين ..وبعض الاحيان قاسي
من جيت للدنيا وانا رافع الراس ............. حتى عرفتك وارتفع زود راسي
كل ما تذوب شوي المح شبح ياس ........ معك انتهى خوفي ولا مات باسي
تذوب اكثر يشتعل برق واعراس .......... تذوب واذكر بعض ما كنت ناسي
تذوب تصغر المح جيوش واجراس ....... تذوب تهز الجبال الرواسي
تذوب يذبل حلم .... وتزيد حراس .......... كل ما تذوب شوي يضعف حماسي
يا قطعة السكر ترى الموت الافلاس ...... ذبتي ..وانا اللي صرت بعدك اقاسي
ليل الاسى والحزن ما يعرف قياس ........ بعدك نخيت الصبر واسرجت باسي
يا قطعة السكر وذرات الاحساس .......... من يوم ذبتي جف قلبي وكاسي
[b]